پکتیا، پکتیکا، پروان، کاپیسا؛ ۱۱۹ سېلاب ځپلې کورنۍ د ۱ میلیون، ۲۴۹ زره او ۵۰۰ افغانیو له نغدي مرستې برخمنې شوې
دوشنبه، ۱۴ جمادی الأولی ۱۴۴۸
د افغاني سرې میاشتې له لوري د پکتیا ولایت په مرکز ګردېز، احمد آبا او زرمت ولسوالیو کې ۴۰ کورنۍ، د پکتیکا ولایت په مرکز ښرنه، مټا خان، برمل او سر حوضه ولسوالیو کې ۳۷، د پروان ولایت په سیاه ګرد ولسوالۍ کې ۲۴ او د کاپیسا ولایت په تګاب ولسوالۍ کې ۱۸ سېلاب ځپلې کورنۍ د ۱ میلیون، ۲۴۹ زره او ۵۰۰ افغانیو له نغدي مرستې برخمنې شوې.
دغه مرسته د ملي ټولنو نړیوال فدراسیون له لوري چمتو شوې وه، چې هرې کورنۍ ۱۰ زره او ۵۰۰ افغانۍ ترلاسه کړې.
د دې مرستې په ترلاسه کولو سره به د یادو کورنیو لومړنۍ اړتیاوې تر یو حده پوره او اساسي ستونزې را کمې شي.
افغاني سره میاشت هڅه کوي، چې د سېلابونو او نورو طبیعي پېښو له امله زیانمنو کورنیو ته پر وخت بشري مرستې ورسوي او د هغوی لومړنۍ اړتیاوې پوره کړي.
