د افغاني سرې میاشتې ټولنې له لوري د کابل ولایت د شکردرې ولسوالۍ اړمنو او بېوزلو کورنیو سره نغدي مرسته ترسره شوه!
نن چهارشنبه د روان ۱۴۰۱ لمریزکال د وری (حمل) میاشتې پر ۳ مه نېټه د افغاني سرې میاشتې ټولنې له لوري د کابل ولایت د شکردرې ولسوالۍ په ۴۰۰ اړمنو او بېوزله کورنیو، چې د افغاني سرې میاشتې ټولنې له لوري سروې شوي وو، د ختیځ مرکزی زون رییس ښاعلي مولوي حیات الله صافی، د پاکستان بیت الاسلام خیریه بنسټ رییس ښاغلی مولانا احمدسلیمان، د کابل د سرې میاشتې نماینده ګۍ رییس مولوی عبدالله حماد، د پېښو ادارې رییس ښاغلی مخدوم صالح محمد اخند زاده، کارکوونکو او رضاکارانو په شتون کې هرې کورنۍ سره ۶۵۰۰ افغانۍ نغدي مرسته ترسره شوه.
د بیت الاسلام خیریه بنسټ رییس د یادې مرستې ترڅنګ په بېلابېلو برخو کې د ورته نورو مرستو د دوام ژمنه وکړه .
همدارنګه د افغاني سرې میاشتې د ختیځ سیمه زون رییس ښاعلي مولوي حایت الله صافی د بیت الاسلام خیریه بنسټ له یادو مرستو مننه وکړه چې په دې ستونزمنو حالاتو کې یې له اړمنو او بېوزله افغانانو سره ترسره کړه او په راتلونکي کې دلا زیاتو مرستو غوښتنه ترې وکړه.
