کونړ!
هېوادوالو ته د افغاني سرې مياشتې په اړه عامه پوهاوى ورکول د افغاني سرې مياشتې له مهمو فعاليتونو شمېرل کېږي، په همدې موخه، نن د ربيع الأول په ۱۹مه، کونړ ولایت مرکز په امنیه قومندانۍ کې ۲۰ نظامیانو ته یوه ورځنۍ نشراتي غونډه ترسره شوه. په ياده غونډه کې ګډونوالو ته د افغاني سرې میاشتې تاریخچه، بنسټیز اصول، نښان، څانګې او فعاليتونه مفصل شرح شول. دا چې افغاني سره مياشت هر کال د هېواد په کچه د تلې په ۲۴مه د اړمنو او پېښځپلو د لاسنيوي په موخه د مرستې راټولولو ځانګړې اونۍ پيلوي، په کونړ ولايت کې د افغاني سرې مياشتې د نماينده ګۍ رئيس د امنيه قوماندانۍ له مسئولينو وغوښتل تر څو د افغاني سرې مياشتې رضاکارانو پر وړاندې د مرستې ټيکټونو د پلورلو په وخت خنډ واقع نه شي.
