کونړ!
افغاني سره میاشت د هېواد په هغو سیمو کې چې وګړي یې روغتیایي مرکزونو ته لاسرسی نه لري؛ د ګرځند روغتیایي ټيمونو له لارې روغتيايي وړيا خدمات ترسره کوي، يو له دغو ټيمونو په کونړ ولايت کې د افغاني سرې میاشتې ګرځند روغتیایې ټیم دی، چې له تیرې یوې اونۍ راهیسې يې د سرکاڼو ولسوالۍ په لرې پرتو سيمو کې ټولټال ۴۴۷ تنو ته په وړيا توګه روغتیایي خدمات ترسره کړي، چې له دې جملې یې د ۲۴۶ ناروغانو کتنه او درملنه کړې، ۵۵ ماشومانو او ښځو ته یې بېلا بېل واکسینونه تطبیق کړي، ۲۶ تنه ټپيان یې پانسمان کړي او ۱۲۰ هېوادوالو ته يې د روغتيا ساتنې په اړه عامه پوهاوی ورکړی.
