کونړ ولایت کې د افغاني سرې میاشتې له لورې ۳۰۰ زلزله ځپلو کورنیو سره د خوراکي او غير خوراکي توکو مرسته و شوه
د بشري مرستو په دوام افغاني سرې مياشتې نن سه شنبه د ربيع الاول په لومړۍ نېټه د کونړ ولایت په نورګل ولسوالۍ کې ۳۰۰ زلزله ځپلو کورنیو ته د ترکيې هېواد له لورې چمتو شوي خوراکي او غير خوراکي توکي ووېشل.
ياده مرسته کې ٢٠٠ کورنيو ته خوراکي او غير خوراکي توکي او پاتې ١٠٠ کورنيو ته یواځې خوراکي توکي شامل وو.
د خوراکي توکو په بسته کې هرې کورنۍ ته؛ ۲۰ کیلو وریژې، ۱۰ لېتره غوړي، ۱۰ کیلو لوبیا، یو کیلو شین چای، ۴کیلو بوره، ٦ پاکټه بیسکیټ، ۴ کیلو مکرونی، ٢ قوطى روب او د غیر خوراکي توکو په بسته کې؛ يوه خېمه، يو ترکی فرش، ٦ ترکی کمپلې، يو د پخلنځي سیټ، ٢ ترپالونه، دوه جوړه ترکۍ جامې، ٢ څادر، ٤ جوړه بوټونه، ٢ د اوبو بوشکې او يو پتنوس شامل وو.د ژمې په را رسېدو سره زلزله ځپلې او اړمنې کورنۍ لا نورو بشري مرستو ته اړتیا لري، چې د مرستو دې لړۍ ته به ګډه دوام ورکوو.
