کونړ، پکتیکا او خوست ولایتونو کې د عامه پوهاوي نشراتي غونډې
د افغاني سرې میاشتې له لورې د نشراتي ناستو په لړ کې، نن چهارشنبه د روان ۱۴۴۴ کال د جمادی الاولی په ۲۷مه د کونړ ولایت مرکز اړوند ډنډونو عالي لیسه، پکتیکا ولایت مرکز ښرنې اړوند دریو کلیو او خوست ولایت دوه منده ولسوالۍ کې، ټولټال ۲۶۳ تنه زده کوونکو، قومي مشرانو، مخورو ته بېلا بېلې نشراتي غونډې جوړې شوې. په یادو غونډو کې د نشراتو مدیرانو له لورې ګډونوالو ته د افغاني سرې میاشتې او غورځنګ تاریخچه، اصول، نښانونه، او د افغاني سرې میاشتې چوپړونه تشریح شول.
