کندز؛ د افغاني سرې میاشتې فوټبال لوبډلې مهمه بریا ترلاسه کړه
دوشنبه ، ٢۵ محرم الحرام ١۴۴۷
د کندز ولایت سپین زر ورزشي لوبغالي کې د زون په کچه د غوره لوبډلو ترمنځ د سیالیو په لړ کې، د افغاني سرې میاشتې کندز نماینده ګۍ د ځوانانو او رضاکارانو ښوونیز مرکز لوبډله د پیروزي کندز لوبډلې پر وړاندې میدان ته ښکته شوه او په یوه مهمه لوبه کې یې ۵-۳ بریا خپله کړه.
لوبه له ۹۰ دقیقو وروسته ۰–۰ مساوي پای ته ورسېده، خو د افغاني سرې میاشتې لوبډلې په پېنالتیو کې ۵ پر ۳ بریا ترلاسه کړه او بل پړاو ته یې لار وموندله.
