کابل!
د اړمنو وګړو لاسنیوې د افغاني سرې میاشتی له سترو موخو ګڼل کیږي! په همدې تړاو پرون او نن د جمادی الثاني په ۱۰مه او ۱۱مه، د افغاني سرې میاشتې عمومي رئيس ښاغلي مولوي مطیع الحق خالص په لاس د کابل ولایت په مرستون کې د ۱۰۰ سوالګرو کورنیو ۴۵۷ غړو ته د نغدي مرستو ویش ترسره شو. چې په کې د کورنۍ هر غړي ته ۲۰۰۰ افغانۍ نغدي مرسته ورکړل شوه. د یادې مرستې د ویش پر مهال ښاغلي مولوي مطیع الحق خالص وویل " موږ غواړو د سوالګرو لاسنیوې وکړو او دا لړۍ لا پسی وغځوو. موږ د افغانستان اسلامي امارت مشرتابه او نړیوالو خیریه بنسټونو، چې غواړی د افغانستان مظلوم ملت لاسنیوی وکړي، هیله لرو موږ سره همکار واوسې". د یادونې وړ ده چې له دې مخکې هم افغاني سرې میاشتې سوالګرو کورنیو سره ورته مرستې ترسره کړي چې د اوسنې مرستې په ویش سره یې د وګړو شمیر ۲۵۳۹ تنو ته رسیږي چې ټولټال پنځه میلیونه او اته اویا زره (۵۰،۷۸،۰۰۰) افغانۍ کیږي، وویشل شوی. همدا ډول تيره مياشت د افغاني سرې میاشتې له لورې هرات ولایت کې هم ۱۳۰ سوالګرو کورنیو سره ۲۶۰۰۰۰ افغانۍ نغدي مرسته ترسره شوې.
