کابل ولایت کې ۵۰۰ کورنیو ته د مرستو د وېش دوام !
نن جمعه د روان ۱۴۴۳ سپوږمیزکال د شوال پر ۲۰مه، د افغاني سرې میاشتې ټولنې له لوري د تېرې ورځې پر دوام یوځل بیا د کابل ولایت د بیلابیلو ناحیو ۵۰۰ اړمنو او بېوزلو کورنیو ته د خوراکي توکو ۹ قلمه مرسته دکابل د سرې میاشتې نماینده ګۍ د په انګړ کې ووېشل شوه.
په وېشل شوې مرسته کې د هرې کورنۍ لپاره ۲ کیلو بوره، ۵ کیلو لوبیا، ۱۰کیلو وریژې، ۵ لیتره غوړي، نیمه کیلو چای، ۲ کیلو مکروني، ۱ قوطی رُب، ۵۰۰ ګرامه بیسکیټ او ۲.۵ کیلو ګرامه غوښه شامل وو.
یاده مرسته د ترکېې هېواد له لوري چمتو شوې وه؛ چې کابل کې د یاد هیواد د سرې میاشتې او افغاني سرې میاشتې ټولنو د استازو په شتون کې ووېشل شوه.
