کابل ولایت کې د افغاني سرې میاشتې له لوري ۶۷۵ اړمنو کورنیو ته د مرستو ویش پیل شو!
نن د دوشنبې په ورځ د روان ۱۴۰۰ لمریز کال د مرغومي پر ۱۳مه د کابل ولایت د اتمې ناحیې د کارته نو او د سرتپه د سیمو او د دولسمې ناحیې د ولي خان ښارګوټي سیمې ۲۲۵ اړمنو، یتیمانو، کونډو او معیوبو کورنیو ته د افغاني سرې میاشتې له لوري ژمنۍ البسه وویشل شوه.
یاده مرسته چې د نړیوال فدراسیون له لوري چمتو شوې؛ په کې تودې جرابې، ژمني جمپرونه، ښځینه شال، پټو، ژمني بوټان او ژمنۍ دستکشې شتون لري. ټاکل شوې چې په څو ورځو کې به ۶۷۵ یادو اړمنو کورنیو ته پورته ذکر شوې مرسته وویشل شي
