کابل؛ د مالي محاسبې او مالي لارښود ۱۵ ورځنی روزنیز ورکشاپ پای ته ورسېد

arcs_website_admin
چهارشنبه ۱۴۰۵/۷/۲۲ - ۱۰:۲۷
K

چهارشنبه، ۲ جمادى الأولى ۱۴۴۸

د افغاني سرې میاشتې د مالي ریاست له لوري، په افغانستان کې د ناروې سره صلیب په مالي ملاتړ د ختیځ، شمال‌ لوېدیځ مرکزي او سوېل‌ ختیځ سیمه‌ ییزو زونونو او اړوندو نمایندګیو د مالي او عوایدو ۲۶ تنو مدیرانو ته د «مالي محاسبې او مالي لارښود» تر سرلیک لاندې ۱۵ ورځنی روزنیز ورکشاپ پای ته ورسېد.

د ورکشاپ د پای مراسمو پر مهال د افغاني سرې میاشتې مرستیال ښاغلي حافظ عزیز الرحمن مالي برخه د یوې ادارې د ملا تیر وبلله او ویې ویل چې د مالي چارو سم مدیریت د ادارې د جوړښت، پرمختګ او فعالیتونو د اغېزمنتیا لپاره مهم رول لري.

نوموړي د ورکشاپ ګډونوالو ته وویل، چې د دغه روزنیز پروګرام په بشپړېدو سره یې د خپلو مسلکي وړتیاوو او کاري مهارتونو د لوړولو په برخه کې مهم ګام اخیستی دی، هغه ټینګار وکړ چې د تخصص او مسلکي وړتیاوو پیاوړتیا د ورځنيو چارو په اغېزمن ډول ترسره کولو کې مهمه ده.

ښاغلي حافظ عزیزالرحمن له ګډونوالو وغوښتل چې له ترلاسه کړو زده‌ کړو او تجربو څخه په خپلو ورځنیو چارو کې اغېزمنه ګټه واخلي، خپلې دندې پر وخت، منظمې او مسلکي ډول ترسره کړي او له ځنډ او بې‌ پامۍ ډډه وکړي.

دغه ۱۵ ورځنی ورکشاپ د مالي او عوایدو مدیرانو د مسلکي وړتیاوو لوړولو، د مالي محاسبې د اصولو د پیاوړتیا او د مالي لارښود د سم تطبیق په موخه جوړ شوی و.

 ورکشاپ ګډونوالو ته د تصدیق‌ پاڼو په وېشلو سره پاى ته ورسېد.

تازه خبرونه

شنبه ۱۴۰۵/۸/۲۳ - ۱۲:۲۳
Background image

پنجشېر؛ د غر ښویېدنې له امله له ۲ زیانمنو کورنیو سره نغدي مرسته وشوه

شنبه، ۳ جمادی‌ الآخره ۱۴۴۸

د افغاني سرې میاشتې له لوري د پنجشېر ولایت د عنابې ولسوالۍ په تاواخ کلي کې د غر ښویېدنې له امله له دوو زیانمنو کورنیو سره ۳۲ زره افغانۍ نغدي مرسته وشوه.

د. . .

شنبه ۱۴۰۵/۸/۲۳ - ۱۱:۶
Background image

بادغیس کې ۷۵ تنه د ولايتي مجامعو د نويو غړو په توګه وټاکل شول

شنبه، ۳ جمادی الآخره ۱۴۴۸

د افغاني سرې میاشتې له لوري په بادغیس ولایت کې د ولایتي مجامعو د نويو غړو د ټاکلو ۱۸ ورځنی بهیر بشپړ شو.

د دغه بهیر په ترڅ کې د بادغیس ولایت په ۹ ولسوالیو او. . .

شنبه ۱۴۰۵/۸/۲۳ - ۱۰:۵۶
Background image

کابل؛ د مالي او عوایدو مدیرانو ۱۵ ورځنی روزنیز ورکشاپ پای ته ورسېد

شنبه، ۳ جمادى الآخره ۱۴۴۸

د افغاني سرې میاشتې د مالي ریاست له لوري، د ناروې سره صلیب په مالي ملاتړ د بلخ، هرات، کندهار او کندز سیمه‌ ییزو زونونو او اړوندو نمایندګیو ۳۰ تنو مالي او. . .

BACK TO NEWS