پکتیکا
د يخ ژمي په درشل کې نغدي مرسته!
شنبه د روان ۱۴۴۴ سپوږمیز کال د جمادی الاولی په ۲۳مه د افغاني سرې میاشتې له لورې د پکتیکا ولایت ګیان ولسوالۍ کې ۶۱۴ زلزله ځپلو کورنيو ته د کورونو د ترمیم لپاره دويم قسط نغدي مرسته، چې ټولټال اته ملیونه شپږ لکه اتلس زره څلورسوه ( ۸۶۱۸۴۰۰) افغانۍ کیږي، ترسره شوه. د یادونې وړ ده چې له دې وړاندی هم د افغاني سرې میاشتې له لورې په یاده ولسوالۍ کې ذکر شویو ۶۱۴ کورنیو سره ۲۸۶۷۲۰۰۰ افغانۍ نغدی مرسته ترسره شوې. همدارنګه د یاد ولایت په برمل ولسوالۍ کې هم ۵۳۰ کورنیو ته د ۲۲۵۷۴۰۰۰ افغانۍ نغدي مرسته ویشل شوې.
