پکتیا؛ له ۲۰۰ داخلي بېځایه شویو کورنیو سره د خوراکي توکو مرسته وشوه
چهارشنبه، ۷ صفر ۱۴۴۸
د افغاني سرې میاشتې له لوري د پکتیا ولایت په ځاځي آریوب ولسوالۍ کې له ۲۰۰ داخلي بېځایه شویو کورنیو سره د خوراکي توکو مرسته وشوه.
دغه مرسته، چې د المان سولې کلي له لوري چمتو شوې وه، له مخې یې هرې کورنۍ ته یو کیلو شیدې، دوه قوطۍ سرېلاک، یوه بسته د څښاک معدني اوبه او پنځه پاکټه بسکوېټ ورکړل شول.
یاده مرسته د داخلي بېځایه شویو کورنیو د لومړنیو خوراکي اړتیاوو د پوره کولو او د هغوی د ژوند د ستونزو د راکمولو په موخه ترسره شوه.
افغاني سره میاشت هڅه کوي، چې داخلي بېځایه شویو او نورو اړمنو کورنیو ته پر وخت بشري مرستې ورسوي او د هغوی د لومړنیو اړتیاوو په پوره کولو کې اغېزمنه ونډه واخلي.
