په هرات کې ۲۷۲ زدهکوونکو ته ښوونیز خدمات برابر شوي
سه شنبه، ۲۰ ذوالحجه ۱۴۴۶ هـ ق
د افغاني سرې میاشتې اړوند د هرات ولایت د ځوانانو او رضاکارانو ښوونیز مرکز له لورې، د روان کال د تېرو درې میاشتو په موده کې، ۲۷۲ تنه زدهکوونکي په مختلفو برخو کې لکه اسلامي زدهکړې، سیرتالنبي، لیکلوست، ریاضي، انګلیسي ژبه او کمپیوټر زدهکړو ته جذب شوي دي.
له دې ډلې ۱۲۴ تنه زدهکوونکو خپلې زدهکړې بشپړې کړي او فارغ شوي، او ۱۴۸ تنه لا هم خپلو زدهکړو ته دوام ورکوي.
دغه ښوونیز فعالیت د ځوانانو ظرفیت لوړولو، د سواد کچې لوړولو او مسلکي مهارتونو پیاوړتیا په موخه ترسره کېږي، چې د ټولنې د پرمختګ لپاره ارزښتناک ګام بلل کېږي.
د افغاني سرې میاشتې د هرات ولایت مشرتابه ژمنه وکړه چې د دا ډول پروګرامونو له لارې به لا ډېرو زدهکوونکو ته د زدهکړې او پرمختګ فرصتونه برابر کړي.
