پروان!
نن دوشنبه د ربیع الاول د میاشتې پر ۱۷مه، پروان ولايت کې د افغاني سرې مياشتې په ښوونيز مرکز کې له ٤٧ زده کوونکو د انګلیسي ژبې، ليک لوست او کمپيوټر مضمونونو ازموینې واخيستل شوې. د افغاني سرې مياشتې په ښوونيزو مرکزونو کې هغه زده کوونکي چې د اقتصادي ستونزو سره مخ وي او په شخصي ښوونيزو مرکزونو کې د زده کړو د فيس توان نه لري، د رضاکارو ښوونکو له لوري په بېلابېلو برخو کې وړيا زده کړې کوي.


