پروان کې ۶۰۰ اړمنو کورنیو ته د افغاني سرې میاشتې له لوري د مرستې ویش پیل شو!
نن یکشنبه د روان ۱۴۰۰ لمریز کال د سلواغې پر ۱۰مه پروان ولایت کې د افغاني سرې میاشتې له لوري ۶۰۰ اړمنو او بې سرپرسته کورنیو ته د خوراکي او غیر خوراکي توکو مرسته ویشل پیل شول. له یاد شمېر مرستې څخه نن ۱۰۶ اړمنو کورنیو ته د پروان ولایت د مرکز چاریکارو شاوخوا کلیو کې مرسته وویشل شوه.
په دې مرسته کې هرې کورنۍ ته د البسې د بېلابېلو توکو یو بیک، ۱۰۰ کیلو اوړه، یو کارتن خوراکي توکي او دوه کمپلې شاملې وې. یاده مرسته د سعودي عربستان د ملک سلمان خیریه بنسټ له لوري چمتو شوې وه.
