هلمند ولایت کې ۴۵۰ کورنیو ته د روغتیا ساتنې توکي ووېشل شول!
یکشنبه د روان ۱۴۴۳ کال د رمضان المبارک میاشتې پر ۱۷ مه نېټه د افغاني سرې میاشتې ټولنې له لوري د هلمند ولایت د سنګین ولسوالۍ غاړکۍ او زردیګې کلیو، سدول کاریز او یحیاخان کاریز ۴۵۰ سروې شویو اړمنو او بې کسه کورنیو ته د (ایکو) سازمان په مالي مرسته د (واش) پروژې ترچتر لاندې د روغتیا ساتنې توکي ووېشل شول.
په یادو مرسته کې هرې کورنۍ ته ۱۵ قلمه توکي، چې پکې
۱ بیک، ۱ سطل، ۲ د اوبو بوشکې ، ۵ ځان پاکونه ، ۱۰ کلچې ډیټول صابون، ۷ کلچې د کالیو وینځلو صابون، د غاښو کریمونه او برسونه ، ۲ بوتله شامپو، یوه صابون داني، یو تملود، ۲ بستې پمپر، ۲ متره ټوکر او یوه د مالوماتو پاڼه شامل وو.
