هلمند؛ د ځوانانو او رضاکارانو ښوونیز مرکز کې له زده کوونکو د کمپيوټر او اداري مهارتونو ازموینه واخیستل شوه
سې شنبه، ۱۱ صَفَر ۱۴۴۷
هلمند کې د افغاني سرې میاشتې د ځوانانو او رضاکارانو په ښوونیز مرکز کې د اداري مهارتونو او کمپیوټر برخو کې له ۴۵۰ تنو هغو زدهکوونکو د استعدادونو د ودې په موخه ازموینه واخیستل شوه، چې په شخصي ښوونیزو مرکزونو کې د فیس د ورکړې وس نه لري او په بېلابېلو برخو کې زده کړې ترسره کوي.
یادو زده کوونکو د اداري مهارتونو په ټولګیو کې درې او کمپیوټر برخه کې شپږ میاشتنۍ زده کړې ترلاسه کړي، چې د درسونو له بشپړولو وروسته ترې ازموینه واخیستل شوه.
د یادونې وړ ده، چې څه موده وړاندې هم د یاد ولایت له ښوونیز مرکز څخه ۸۷ تنه زده کوونکي د کمپیوټر زده کړو له بشپړولو وروسته فارغ شول.
