هرات!
افغاني سره میاشت د کاري لومړیتوب پر بنسټ وتوانیده د هرات ولایت په زنده جان ولسوالۍ کې زلزله ځپلو سیمو ته په بیړه ځان ورسوي او د زیانمنو لاسنیوی وکړي. افغاني سره میاشت دا مهال د زنده جان ولسوالۍ په زلزله ځپلو سیمو کې د ژغورنې او روغتیاپالو ٣٢ ټیمونه لري، چې له یادو ٣٢ ټیمونو د ژغورنې ٥ ټیمونه په کوشکک، ٥ په سیاه آب، ٦ په نایب رفیع او ٥ په چاه ازادي سیمو کې فعالیت ترسره کوي. همدا ډول له یادو ٣٢ ټیمونو ٣ روغتیایي ټیمونه په کوشکک، ٣ په نایب رفیع، ٣ په سیاه آب، ١ په چاه ازادي او یو هم په رباط سنګي ولسوالۍ کې فعالیت ترسره کوي سیمه کې د افغاني سرې میاشتې له لوري څلور کمپونه هم جوړ شوي، چې په کې د بې کوره شویو وګړو د میشت کولو ترڅنګ د افغاني سرې میاشتې د خدماتو ټیمونه هم ځای پر ځای شوي؛ ترڅو پر زیانمنو وګړو خوراکي او غیر خوراکي توکي وویشي او روغتیایي خدمات وکړي.
