هرات!
غوریها، مسجد چوبي، کمرزرد او کندل بست په هرات ولايت کې د کرخ ولسوالۍ لرې پرتې سيمي دي چې وګړي يې روغتیايي مرکزونو ته لازم لاسرسی نه لري. افغاني سره میاشت له روغتیایي خدماتو بې برخو وګړو ته د ګرځندو روغتیایي ټیمونو پر مټ خدمات ترسره کوي. په ياده ولسوالۍ کې هم د افغاني سرې میاشتې ګرځند روغتیایي ټیم شتون لري، ياد ټيم په تیره صفر میاشت کې د کرخ ولسوالۍ په يادو لرې پرتو سيمو کې ټولټال ۲۸۰۷ هېوادوالو ته روغتيايي وړيا خدمات ترسره کړي، چې له دې جملې يې ۹۱۹ ناروغانو کتنه او وړیا درملنه کړې، ۴۳ ټپیان یې پانسمان کړي، ۱۷۶ ماشومانو او ښځینه ناروغانو ته یې بېلا بېل واکسینونه تطبیق کړي، ۲۶۷ ميندو ته يې د مور او ماشوم روغتیا ساتنې په اړه خدمات کړي او ۱۴۰۵ وګړو ته يې د روغتیا ساتنې په اړه لازمې لارښوونې او سپارښتنې کړي.
