هرات، فراه، تخار، سرپل او نیمروز
د افغاني سرې میاشتې له لورې د نشراتي ناستو په لړ کې، د روان ۱۴۴۴ کال د جمادی الاولی په ۱۸مه او ۱۹مه په هرات، فراه، تخار، سرپل او نیمروز ولایتونو کې ځوانانو، د کلیو ملکانو، محصلینو، مخورو مشرانو او علماء کرامو ته بیلابیلې نشراتی غونډې جوړې شوې. په یادو غونډو کې د نشراتو مدیرانو له لورې ګډونوالو ته د افغاني سرې میاشتې او غورځنګ تاریخچه، بنسټیز اصول، نښانونه، موخې او د افغاني سرې میاشتې چوپړونه تشریح شول.
