ننګرهار!
نن دوشنبه، د روان ۱۴۴۴ سپوږمیز کال د جمادی الثاني په ۱۶مه، د ننګرهار ولایت افغاني سرې میاشتې ګرځند روغتیایې ټیم، خپل فعالیت د یاد ولایت پچیر اګام ولسوالۍ کاکا خیلو کلې کې پیل کړ، چې په ترڅ کې یې د ۸۲ تنو ناروغانو په وړيا ډول معاينات او درملنه وکړه. یاد ټیم په روغتيايي توکو او پرسونل لومړنى سمبال ټيم دی، چې یاده سیمه کې يي بیوزله هیوادوالو ته روغتيايي چوپړتياوې وړاندې کړې، چې ځايي خلکو دسرې مياشتې دا چاره وستايله او ډېر خوښ شول.
