لوګر ولایت کې په میاشتني توګه ۲۹۵۷ وګړو ته روغتیایې خدمات!
د افغاني سرې میاشتې ګرځنده روغتیایې ټیم د رجب په مياشت کې، ټول ټال ۲۹۵۷ تنه وګړو ته په بیلابیلو برخو کې روغتیایي خدمات وړاندې کړي، چې له دې جملې ۱۲۰۰ تنه ناروغانو معاینه او تداوي، ۶۵ تنه واکسین، ۱۲ تنه پانسمان کړي. همدارنګه يي ۱۶۸۰ تنو ته د روغتیا اړوند اړينې لارښوونې کړي دي. د یادونې وړ ده چې افغاني سره میاشت د هېواد په ۳۴ ولایتونو کې لسګونه ګرځنده روغتیایي ټیمونه لري، چې په وړیا ډول په لرې پرتو سیمو کې، بیوزله هېوادوالو ته روغتیایې خدمات وړاندې کوي.
