لغمان
وروستیو غیر موسمي ورښتونو په لغمان ولایت کې څو ځل د سر او مال زیانونه واړول او سلګونه کورنۍ یې وځپلې. د افغاني سرې میاشتې رضاکاران او کارکوونکي د تل په څېر زیانمنو سیمو ته د ژغورنې په عملیاتو کې د ونډې د اخیستو په موخه ورغلل او د زیانمنو لاسنیوی یې وکړ. په تېرو دوه میاشتو کې افغاني سرې میاشتې لغمان ولایت کې له سلګونو سیلاب ځپلو کورنیو سره د خوراکي او غیر خوراکي توکو مرستې کړي.
د یادې مرستې په تعقیب افغاني سرې میاشتې نن د صفرالمظفر پر ١٩مه د لغمان ولایت د مرکز اړوند ٣٠٠ سیلاب ځپلو کورنیو ته ٨ قلمه خوراکي توکي وویشل.په یادو مرسته شوو توکو کې هرې کورنۍ ته ١٠٠ کیلو اوړه، ٢٤.٥ کیلو وریژې، ١٠ لیتره غوړي، ٨ کیلو لوبیا، ٥ کیلو بوره، ١ کیلو چای، ٢ کیلو مالګه او یوه بسته بسکټ شامل دي.
