لغمان ولایت کې د افغاني سرې میاشتې له لوري د سیلاب ځپلو لپاره کمپ جوړ شو!
د ۱۴۴۴ سپوږمیز کال د صفر المظفر په ۲۶مه د افغاني سرې میاشتې ټولنې له لوري په لغمان ولایت کې د وروستیو سیلابونو له امله ۵۱ بې کوره شویو کورنیو ته د الینګار ولسوالۍ اړوند د محمد افضل او محمد ګل بېلو کې د افغاني سرې میاشتې د سرپرست عمومي رییس مولوي مطیع الحق خالص په لارښوونه لنډمهاله ستر کمپ جوړ شو.
د یادونې وړ ده چې دا په لغمان ولایت کې د افغاني سرې میاشتې له لوري دویم کمپ ده چې د سېلاب ځپلو لپاره جوړېږي؛ مخکې له دې هم د یاد ولایت په مرکز کې په ۲۱ خیمو مشتمل یو کمپ جوړ شوی وو.
