فراه!
افغاني سره میاشت د هېواد په هغو سیمو کې چې وګړي یې روغتیایي خدماتو ته لاسرسی نه لري؛ د ګرځنده روغتیایي ټيمونو له لارې روغتيايي وړيا خدمات ترسره کوي، يو له دغو ټيمونو په فراه ولايت کې د افغاني سرې میاشتې ګرځنده روغتیایې ټیم دی، چې له تیرې یوې اونۍ راهیسې يې د ګلستان ولسوالۍ په لرې پرتو سيمو کې ټولټال ۱۳۲۲ تنو ته په وړيا توګه روغتیایي خدمات ترسره کړي، چې له دې جملې یې د ۵۳۲ ناروغانو کتنه او درملنه کړې، ۱۷ ټپيان یې پانسمان کړي، ۷۶ ښځینه ناروغانو ته یې د ولادت په برخه کې روغتیایې خدمات وړاندې کړي، ۵۷ ماشومانو او ښځو ته یې بېلا بېل واکسینونه تطبیق کړي. په ورته مهال یې ۶۴۰ هېوادوالو ته د روغتيا ساتنې په اړه عامه پوهاوی ورکړی.
