فراه ولایت کې دافغاني سرې مياشتي له لوري ٤٠٠ اړمنو او وچکالۍ ځپلو کورنیو ته مرسته ووېشل شوه!
افغاني سرې میاشتې د فراه ولایت دشیب کوه ولسوالۍ کې ۴۰۰ اړمنو او وچکالۍ ځپلو کورنیو ته د ترکیې هېواد د IHH خیریه بنسټ له لوري چمتو شوې د خوراکي توکو مرسته د ربيع الاول پر ۱۰مه د یاد بنسټ د استازو په شتون کې ووېشله.
په یاده مرسته کې هرې کورنۍ ته ۵۰ کیلو اوړه، ۱۰ کیلو وریژې، ۱۰ لیتره غوړي، ۱۰ کیلو نخود، ۱۰ کیلو مکروني، ۶ کیلو خُرما او ۳ کیلو مالګه شامل وو.
