غزني؛ له بېوزلو کورنيو سره څه کم ۴ سوه زره افغانۍ نغدي مرسته وشوه
یکشنبه، ۳۰ صَفَر ۱۴۴۷
د افغاني سرې میاشتې له لوري غزني ولایت کې له ۸۰ بېرونيو مشمولینو ( بېوزلو او سوالګرو) کورنیو سره د ژوند د لومړنیو اړتیاوو د پوره کولو، اقتصادي ستونزو د را کمولو او له سوال کولو څخه د مخنیوي په موخه درې سوه او دوه اتیا زره (۳۸۲،۰۰۰) افغانۍ نغدي مرسته وشوه.
په مرسته کې ۷۴ کورنیو ته د کورنۍ په سر ۵۰۰۰ او پاتې ۶ نورو ته د کورنۍ په سر ۲،۰۰۰ افغانۍ د بانکي حسابونو له لارې حواله شوې.
د یادونې وړ ده، چې دې اړمنو کورنیو ته هره میاشت نغدي مرستې ورکول کېږي.
