سرپرست عمومي رئیس په افغانستان کې د قطر سرې میاشتې له مسٸول سره وکتل!
سرپرست عمومي رئیس په افغانستان کې د قطر سرې میاشتې له مسٸول سره وکتل!
نن شنبه د ذوالقعدې میاشتې پر ١٢مه، د افغاني سرې میاشتې سرپرست عمومي رئیس ښاغلي شيخ الحديث شهاب الدین دلاور په خپل کاري دفتر کې په افغانستان کې د قطر سرې میاشتې له مسٸول ښاغلي حسین احمد بوتاني سره د اړمنو، راستنېدونکو کډوالو او بې سرپرسته کورنیو سره د بشري مرستو د دوام او د هېواد په کچه په ګډو ترسره کېدونکو بشرپالو فعاليتونو کې د همغږۍ کچې د لوړولو په موخه ناسته وکړه.
ناسته کې سرپرست عمومي رئیس په افغانستان کې د قطر سرې میاشتې په ملاتړ د ترسره کېدونکو فعالیتونو او مرستو د مننې ترڅنګ د اړمنو، بې سرپرسته کورنیو او راستنېدونکو کډوالو د اړتیاوو او ستونزو په تړاو معلومات وړاندې کړل او له نوموړي یې د دوی د لاسنیوي او ورسره د بشري مرستو د دوام او پراختیا غوښتنه وکړه.
ورپسې په افغانستان کې د قطر د سرې میاشتې مسٸول د افغاني سرې میاشتې د بشري خدماتو د ترسراوي برخه کې د شفافیت او اغېزمن مدیریت ستاینه وکړه او ژمنه یې وکړه چې چې د خپلو بشري مرستو د پراخولو له لارې به له اړمنو او بې سرپرسته کورنیو او راستنېدونکو کډوالو سره ملاتړ ته دوام ورکړي.
