سرپرست عمومي رئیس د ملي ټولنو نړیوال فدراسیون مرستیال سره د بشري مرستو د پراختيا او همغږۍ په موخه وکتل
کابل - چهارشنبه، ۲۰ محرم الحرام ۱۴۴۷
د افغاني سرې میاشتې سرپرست عمومي رئیس ښاغلي شیخ الحدیث شهابالدین دلاور د افغانستان لپاره د ملي ټولنو د نړیوال فدراسیون له مرستیال احمد سلیمان سره په خپل کاري دفتر کې د بشري مرستو د پراختیا او په چارو کې د همغږۍ د پیاوړتیا په موخه وکتل.
کتنه کې ښاغلي دلاور د افغانانو د اوسني وضعیت او د اړمنو او بې سرپرسته کورنیو د لاسنیوي پر لارو چارو خبرې وکړې، نوموړي زیاته کړه چې افغاني سره میاشت د محدودو امکاناتو په لرلو سره نشي کولی څو په یوازې ځان د اړمنو اړتیاوې پوره کړي، له همدې امله له نړیوال فدراسیون غوښتنه کوو څو د نورو نړیوالو ملي ټولنو او مرستندویه بنسټونو له لارې د مرستو د جلب زمینه برابره کړي.
ښاغلي احمد سلیمان د بېوسه وګړو لاسنیوی د ټولو ګډ مسؤلیت وباله او ژمنه یې وکړه چې نږدې راتلونکي کې به د یو شمېر نړیوالو ملي ټولنو له مسئولینو سره انلاین ناسته برابره کړي، څو د همکاريو پر لارو چارو د بحث تر څنګ اړمنو ته د منظمو او اغېزمنو مرستو زمینه برابر شي.
