سرپرست عمومي رئیس او سرپرست سکرتر جنرال د افغانستان لپاره د اتریش هېواد د سره صلیب د پېښو برخې له مسٸول سره وکتل!
سرپرست عمومي رئیس او سرپرست سکرتر جنرال د افغانستان لپاره د اتریش هېواد د سره صلیب د پېښو برخې له مسٸول سره وکتل!
نن چهارشنبه د شوال میاشتې پر ۱۸مه، د افغاني سرې میاشتې سرپرست عمومي رئیس ښاغلي شیخ الحدیث شهاب الدین دلاور او سرپرست سکرتر جنرال ښاغلي مولوي روح الله عبدالسلام د افغانستان لپاره د اتریش هېواد د سره صلیب د پېښو برخې له مسئول ښاغلي کرېسټوفر بسټروى سره په افغانستان کې د دوى له لوري له روانو پروژو د څارنې، اغېزمنتیا او بشرپاله فعالیتونو کې د همغږۍ په موخه ناسته وکړه.
لیدنه کې سرپرست عمومي رئیس د دوی په لیدو خوښي وښوده او له افغاني سرې میاشتې سره په همغږۍ د اتريش سره صليب له لوري د بشري خدمتونو برخه کې د روانو پروژو مننه وکړه او غوښتنه یې ترې وکړه، څو په افغانستان کې هم په فزیکي بڼه خپل دفتر پرانیزي.
دا راز ښاغلي دلاور د افغاني سرې میاشتې له لوري د طبيعي او غیرې طبيعي پېښو زیانمنو، رواني ناروغانو او په مرستونونو کې مشمولینو کورنیو ته د ترسره کېدونکو بېلابېلو خدماتو په هکله هر اړخیز معلومات وړاندې کړل او د یادو بشرپاله فعالیتونو برخه کې یې له نوموړي څخه د افغاني سرې میاشتې د مالي ملاتړ غوښتنه وکړه.
ورپسې د اتریش د سره صلیب د پېښو برخې مسئول د افغاني سرې میاشتې له بشردوستانه هڅو ستاینه وکړه او ژمنه یې وکړه چې د ګډو فعالیتونو له لارې به افغانانو ته د ترسره کېدونکو بشرپاله خدمتونو برخه کې خپلو همکاریو ته دوام ورکړي او له دې خیریه ملي ټولنې سره په همغږۍ به د افغانانو لاسنیوی او ملاتړ وکړي.
