روژه او بشري خواخوږی؛ زابل کې ۳۶۴ اړمنو کورنیو سره ۳۴.۶ ټنه خوراکي مرسته وشوه

دوشنبه، ۶ رمضان ۱۴۴۷
د افغاني سرې میاشتې له لوري د زابل ولایت، میزان ولسوالۍ کې له ۳۶۴ اړمنو او بېوزله کورنیو سره ۳۴.۶ ټنه خوراکي مرسته وشوه.
په مرسته کې هرې کورنۍ ته ۹۵ کیلو خوراکي توکي ورکړل شول، چې پکې ۵۰ کیلو اوړه، ۲۵ کیلو وریژې، ۵ لیټره غوړي، ۵ کیلو بوره، ۵ کیلو لوبیا، ۲ کیلو مالګه، ۲ کیلو خُرما او ۱ کیلو شین چای شامل وو.
د دې مرستې موخه د روژې په مبارکه میاشت کې د اړمنو کورنیو د خوراکي توکو اساسي اړتیاوې په منظم ډول پوره کول دي، څو هغوی وکولی شي له دې لارې خپلې ستونزې را کمې کړي.
افغاني سره میاشت هڅه کوي، چې له اړمنو او بېوزله کورنیو سره د هر اړخیزو بشري مرستو لړۍ په دوامداره توګه وساتي او د هغوی په ژوند کې آسانتیاوې رامنځته کړي.