د کونړ ولایت د مرکز اړوند ډنډو سیمه کې د افغاني سرې میاشتې له لوري فرعي کلینیک پرانیستل شو!
د کونړ ولایت د مرکز اړوند ډنډو سیمه کې سرې میاشتې اړوند یو باب کلینیک د یوې پرتمینې غونډې په ترڅ کې پرانیستل شو. د یاد کلینیک ودانۍ نهه کاله وړاندې د افغاني سرې میاشتې له لوري جوړه شوې وه چې د ددې کلینیک په فعالیدو سره به يي ستونزې تر ډېرې کچې ځواب شي.
یاد کلینیک چې د افغاني سرې میاشتې په مالي مرسته جوړ شوی؛ په روغتیایي پرسونل کې یې MD ډاکتر، نرس، قابله او د سوء تغذي مشاوره هم شامل دي.افغاني سره میاشت په ټول هېواد کې شاوخوا ۱۶۰ روغتیایي مرکزونه او په پلازمېنه کابل کې یو ستر روغتون لري.
