د پېښو زیانمنو وګړو د رواني روغتیا ساتنې په موخه کارکوونکو ته روزنه ورکړل شوه
کابل – یکشنبه، ۲۵ ذوالحجه ۱۴۴۶ هـ ق
د افغاني سرې میاشتې د روغتیا او پېښو ریاستونو یو شمېر کارکوونکو ته د طبيعي او غیر طبيعي پېښو له امله د زیانمنو هېوادوالو د رواني روغتیا ساتنې تر عنوان لاندې د عامه پوهاوي یو ورځنی روزنیز ورکشاپ ورکړل شو.
ورکشاپ کې ګډونوالو ته د سېلاب، زلزلې، کډوالۍ او نورو بېلابېلو پېښو له امله د زیانمنو وګړو د رواني ستونزو د درملنې، مخنیوي او حل لارو په اړه معلومات او پوهاوی ورکړل شو.
