د پولیو مخنیوي په موخه د بیلګېټس بنسټ او افغاني سرې میاشتې ګډه ناسته وشوه
سې شنبه، ۲۷ جمادي الأول ۱۴۴۷
د آسیا لپاره د بیلګېټس بنسټ د پولیو برخې مسؤولې آغلې اناماریا د افغاني سرې میاشتې له عمومي رئیس ښاغلي شیخ الحدیث شهاب الدین دلاور او د نوموړي مرستیال ښاغلي حافظ عزیز الرحمن سره د پولیو ناروغۍ د مخنیوي د لارو چارو او همکاریو د پراختیا په پار ناسته وکړه.
ناسته کې د پولیو ناروغۍ په اړه د عامه پوهاوي، پولیو ضد واکسینونو د تطبیق او نورو بېلابیلو ساري ناروغیو د مخنيوي په موخه د دواړو لوریو تر منځ پر هر اړخیزې همغږۍ او همکارۍ بحث او خبرې وشوې او دې برخه کې پر ګډو هڅو ټینګار وشو.
