د لومړنيو روغتيايي خدمتونو په اړه څلور ورځنی روزنيز ورکشاپ پيل شو
یکشنبه، ۱۲ ربیع الآخر ۱۴۴۷
د افغاني سرې میاشتې د روغتیايي خدمتونو ریاست له لوري د نړیوال فدراسیون په مالي همکارۍ د پکتیکا، زابل، هلمند، کندهار، ارزګان، ننګرهار او کونړ ولایتونو ۲۵ تنو روغتیاپالانو ته د لومړنیو روغتیایي خدمتونو وړاندې کولو تر عنوان لاندې څلور ورځنی روزنیز ورکشاپ پیل شو.
د دې روزنیز ورکشاپ ګډونوالو ته به د واکسینونو پېژندنې، ساري ناروغیو د مخنیوي، روغتیا ساتنې برخه کې عامه پوهاوي، ټپونو د پانسمان او پټۍ (بنداژ) لګولو برخو کې نظري او عملي زده کړې ورکړل شي.
