د فرانسويانو روغتون ته ۲۸ تنه د ﺯړه په سوري اخته ماشومان د عملياتو او علاج په موخه ور وپيژندل شو!
افغاني سره میاشت تل هڅه کوي؛ ترڅو د هغو بيوﺯلو کورنیو لاسنیوى وکړي، چې د درملنې وس نلري. په همدې موخه د جمادی الاول پر ۱۸مه، افغاني سرې مياشتې یوځل بیا د سوري زړه پر ناروغۍ اخته ۲۸ تنه ماشومان د عملياتو په موخه د فرانسويانو روغتون ته ورپېژندل. د یادو ناروغانو ناروغۍ ته په کتو په هر تن له ۷۵۰ تر ۲۳۵۰ ډالرو لګښت راځي، چې ټول د افغاني سرې مياشتې له لورې ورکول کيږي. د يادونې وړ ده چې د سږکال په جريان کې تر اوسه ۴۳۳ تنه د ﺯړه په سورې اخته ماشومان د افغاني سرې مياشتې په مرسته تداوي شوي. دا پروسه د نړيوالو مرستندويه خيريه ټولنو، خير پاله هيوادوالو او بشرپاله هيوادونو په مرسته او د افغاني سرې مياشتې د مشرتابه په هلو ځلو لا هم دوام لري.
