د رضاکارانو نړيواله ورځ په کونړ، لغمان او جوﺯجان ولايتونو کې ولمانځل شوه!
ځوانان او رضاکاران د افغاني سرې میاشتې ټولنې لپاره حياتي ارزښت لري، د رضاکارانو د نړيوالې ورځې د لمانځنې په وياړ، نن سی شنبه د جمادی الاولى په ۱۲مه د افغاني سرې میاشتې د کونړ ، لغمان او جوﺯجان ولایتونو نمايندګيو کې د رضاکارانو نړیواله ورځ ولمانځل شوه. د غونډې په پیل کې د افغاني سرې میاشتې د رياستونو د نمايندګيو رئيسانو رضاکارانو ته د ښه راغلاست ترڅنګ ددوى کړنې او بشري هڅې وستايلې، رضاکارانه کړنې يي د عالي اخلاقو نښه وبلله. رضاکاران يي د ټولنې ستورې او د نجات فريښتې وبللې، خپلو دندو ته يي متوجه کړل، دوى ته يي ددې ورځی مبارکي وويله، او مننه یې ترې وکړه چې د افغاني سرې میاشتې کارکوونکو سره اوږه په اوږه د ولس په چوپړ کې دې. د غونډې په پای کې رضاکاران د تشويق په پار په تحايفو، ستاينليکونو او نغدي مرستو ونازول شو.
