د افغاني سرې میاشتې ټولنې کارکوونکو ته د کوید۱۹ واکسین تطبیق پیل شو!
نن دوشنبه د روان ۱۴۰۰ لمریز کال د وري پر ۲۳ نیټه د افغاني سرې میاشتې ټولنې کارکوونکو ته، د کوید۱۹ واکسین تطبیق، د افغاني سرې میاشتې ټولنې د سرپرست رئیس آغلې ډاکتر نیلاب مبارز، لوړ پوړو چارواکو، په افغانستان کې د نړیوال سره صلیب د کمېټې د رئیس ښاغلي خوان پیدرو، د سره صلیب او سرې میاشتې ټولنې د نړیوال فدراسیون د رئیس ښاغلي نسیفر، او ملي ټولنې د کارکوونکو په ګډون سره پیل شو.
د واکسین د تطبیق په موخه جوړه شوې غونډه کې د افغاني سرې میاشتې ټولنې سرپرست رئیسې آغلې ډاکتر نیلاب مبارز او په افغانستان کې د سره صلیب د نړیوالې کمیټې او ملي ټولنو د نړیوال فدراسیون ریسانو، و ویل: دا واکسین د روغتیا د نړیوال سازمان (WHO) له لوري منل شوی واکسین دی، چې هیڅ ډول جانبي روغتیایي ستونزې نه رامنځ ته کوي.
