د افغاني سرې میاشتې ټولنې عمومي رئیس د ترکي سرې میاشتې له استازي سره وکتل!
د روان ۱۴۰۰ لمریز کال د لړم پر ۲۳ نېټه، د افغاني سرې میاشتې ټولنې سرپرست رئیس ښاغلي مولوي مطیع الحق خالص په کابل کې د ترکي سرې میاشتې له استازي ښاغلي فرید ضیأ سره په خپل کاري دفتر کې وکتل.
د ترکیې سرې میاشتې استازي ښاغلي فرید ضیأ د لیدنې ترڅنګ، له افغاني سرې میاشتې ټولنې سره د ترکیي سرې میاشتې د عمومي رئیس د همکاریو پیغام بیان او د مرستو پر دوام یې ژمنه وکړه.
د افغاني سرې میاشتې ټولنې د عمومي ریاست سرپرست ښاغلي مولوي مطیع الحق خالص له ترکي سرې میاشتې ټولنې څخه د مننې ترڅنګ؛ غوښتنه وکړه ترڅو په راتلونکي کې هم له افغاني سرې میاشتې ټولنې سره خپلې مرستې روانې وساتي.
