د افغاني سرې میاشتې مرستیال ملا نورالدین ترابي د نړیوال فدراسیون له مشر سره ولیدل!
شنبه د ۱۴۴۴ سپوږمیز کال د محرم په اوله، د افغاني سرې میاشتې مرستیال ښاغلي ملا نورالدین ترابي د نړیوال فدراسیون له مشر نسیفور سره په خپل کاري دفتر کې ولیدل. ښاغلي ملا نورالدین ترابي د نړیوال فدراسیون له مشر ته د وروستیو سیلابونو له امله د زیانمن شویو او بېځایه شویو کورونو په اړه مفصل معلومات وړاندې کړل ددې ترڅنګ یې ترې وغوښتل چې دغو کورنیو ته پر وخت او ژر رسېدنه باید وشي.
نوموړي وویل چې دغه ځپل شوې کورنۍ دخوراکي او غیر خوراکي مرستو ترڅنګ نغدي مرستو ته هم ډېره اړتیا لري تر څو د کورونو تخریب شوي وسایل او شیان پرې وپیري.
په مقابل کې د نړیوال فدراسیون مشر نسیفور د ښاغلي ملا نورالدین ترابي غوښتنې او ارقام نوټ او د پوره همکارۍ او مرستې ژمنه یې وکړه، زیاته ېې کړه چې نړیوال فدارسیون به د نورو ډونرانو په وسیله هم بېځایه شویو کورنیو ته پر وخت رسېدګي وکړي.
