د افغاني سرې میاشتې مرستیال ملا نورالدین ترابي د جرمني د سره صلیب استازی (اصف امان) سره ولیدل!
پنجشنبه د ۱۴۴۳ سپوږمیز کال د ذي الحجې په ۲۹مه، د افغاني سرې میاشتې مرستیال ښاغلي ملا نور الدین ترابي د جرمني د سره صلیب له استازي سره په خپل کاري دفتر کې ولیدل. د جرمني د سره صلیب استازي (اصف امان) د افغاني سرې میاشتې له لارې د سیلاب ځپلیو او زلزله ځپلیو هیوادوالو ته د مرستو په وېشنه خبرې وکړې، ژمنه ېې وکړه چې په نږدې راتلونکي کې به خپل دفتر هم په کابل کې پرانیزي چې له لارې به یې ګډه همغږي زیاته او بېوزلو ته پر وخت لاسنیوي وکړل شي.په مقابل کې د افغاني سرې میاشتې مرستیال ښاغلي ملا نورالدین ترابي د جرمني د سره صلیب له استازي څخه د مرستو په اړه مننه وکړه او د دفتر د ځای برابرونې او ګډ کار په هکله یې د همکارۍ ډاډ ورکړ.
