د افغاني سرې میاشتې مرستیال او ورسره مل پلاوي نن د قطر په پلازمېنه دوحه کې د قطر هېواد د سرې میاشتې له سکرتر جنرال سره افغانستان کې د بېوزلو وګړو د لاسنیوي په اړه ګډه ناسته ترسره کړه!
د افغاني سرې میاشتې مرستیال الحاج ملا نورالدین ترابي او ورسره مل پلاوي نن د قطر په پلازمېنه دوحه کې د قطر هېواد د سرې میاشتې له سکرتر جنرال ښاغلي فیصل محمد الحمدي سره افغانستان کې د بېوزلو وګړو د لاسنیوي په اړه ګډه ناسته ترسره کړه. ناسته کې د افغاني سرې میاشتې مرستیال ښاغلي ملا نورالدین ترابي په افغانستان کې د شته بشري اړتیاو پر ۱۶ مواردو خبرې وکړې، چې په کې د قطر د سرې میاشتې د سکرتر جنرال له لوري د اقلیمي بدلون، د څښاک د اوبو د څاګانو، د روغتیایي خدماتو او خوراکي توکو د مرستې په برخو کې د همکارۍ ژمنه وشوه نوموړي همدا ډول ژمنه وکړه، چې په افغانستان کې شته بشري اړتیاوې به له نورو خیریه بنسټونو سره شریکې کړي او هڅه به وکړي، چې نور خیریه بنسټونه په کې همکارۍ ته چمتو کړي. ښاغلي فیصل محمد الحمدي د افغاني سرې میاشتې مرستیال ته د هر اړخیزې همکارۍ ډاډ ورکړ.
