د افغاني سرې میاشتې مرستیال او مل پلاوي نن د یکشنبې په ورځ دوحه کې د افغانستان لپاره د ایټالیا له سفیرې او مل پلاوي سره پر بشري موضوعاتو ګډه ناسته ترسره کړه!
د افغاني سرې میاشتې مرستیال ملا نورالدین ترابي او مل پلاوي نن د یکشنبې په ورځ دوحه کې د افغانستان لپاره د ایټالیا له سفیرې ناتالیا کوینتاوال او مل پلاوي سره پر بشري موضوعاتو ګډه ناسته ترسره کړه. ناسته کې دواړو لوریو افغانستان کې پر شته ستونزو او حل لارو هر اړخیزې خبرې وکړې د افغاني سرې میاشتې مرستیال ملا نورالدین ترابي له افغانستان سره د ایټالیا د هېواد د وروستیو بشري مرستو مننه وکړه او د افغانستان د وګړو پر بشري ستونزو، اړتیاو، د اړمنو پر لازم او پر وخت لاسنیوي، د سوري زړه په ناروغۍ د اخته ماشومانو او د رواني ناروغانو پر درملنه او د معتادینو د لاسنیوي په اړه خبرې وکړې. په ناسته کې آغلې ناتالیا کوینتاوال له افغانستان سره د هر اړخیزه همکارۍ ژمنه وکړه.
