د افغاني سرې میاشتې له لوري پروان ولايت کې ٣٠٠ سېلاب ځپلو کورنيو سره د خوراکي توکو مرسته وشوه!
يکشنبه د ١٤٤٤ سپوږمیزکال د محرم په ٩مه، د پروان ولايت سرې مياشتې نماينده ګۍ رياست له لوري د ترکیې دوست هېواد د IHH خیریه بنسټ له خوا چمتو شوې مرسته، سرخ پارسا ولسوالۍ کې ٣٠٠ سېلاب ځپلو کورنيو ته د يادو ادارو د استاﺯو په شتون کې ووېشل شوه.
په وېشل شوې مرسته کې؛ ۵۰ کیلو اوړه، ۱۰ لېتره غوړي، یو کارتن خرما او یوه بسته بېلابېل خوراکي توکي شامل وو! ځايي وګړي د سرې مياشتې او ترکيي هيواد له مرستو خوشاله او منندوى و.
