د افغاني سرې میاشتې له لوري فراه ولایت کې د مرستو د وېش په موخه سروې سرته ورسېده.
د روان ١٤٤٤سپوږمیز کال د ربیع الاول پر لومړۍ د فراه ولایت په قلعه کاه ولسوالۍ کې د افغاني سرې میاشتې له لورې د ٨٠٠ بېوزله او مستحقو کورنیو سروې په غوره او شفاف ډول پای ته ورسېده،چې په نیږدې راتلونکي کې به ورسره بشري مرستې ترسره شي.
د یادونې وړ ده، چې د سروې په جریان کې د خپرونو د مدیریت له لوري عامو وګړو ته د افغاني سرې میاشتې بنسټیز خدمتونه، موخې او اصول هم بیان شول او تر څنګ یي خلکو ته د عامه پوهاوي په موخه مجلې او نور خپرنیز توکي هم ووېشل شول.
