د افغاني سرې میاشتې له لوري د ننګرهار ولایت پچیرآګام ولسوالۍ کې له ۲۰۰۰ تثبیت شویو اړمنو او بېوزلو کورنیو سره په ټولیزه توګه د شپېته میلیونه (۶۰،۰۰۰،۰۰۰) افغانیو د نغدي مرستې لړۍ، د افغاني سرې میاشتې د مرستیال په لاس پیل شوه.
نن د ربیع الأول د میاشتې پر ۲۲مه، د افغاني سرې میاشتې له لوري د ننګرهار ولایت پچیرآګام ولسوالۍ کې له ۲۰۰۰ تثبیت شویو اړمنو او بېوزلو کورنیو سره په ټولیزه توګه د شپېته میلیونه (۶۰،۰۰۰،۰۰۰) افغانیو د نغدي مرستې لړۍ، د افغاني سرې میاشتې د مرستیال ښاغلي حافظ عزیز الرحمن په لاس پیل شوه.
د یادې نغدي مرستې د وېش په پرانيسته کې د افغاني سرې میاشتې مرستیال په خپلو خبرو کې افغاني سره میاشت ولس ته د خدمت او مرستې رسولو باوري مرستندوی بنسټ ياد کړ او ویې ویل "دې خيريه ملي ټولنې تل په ستونزمنو حالاتو کې د بېوزلو هېوادوالو ملاتړ او لاسنيوي کړی او مونږ ویاړو چې خپلو هېوادوالو ته د بشرپالو خدماتو په ترسره کولو بوخت یو".
د يادونې وړ ده چې ياده نغدي مرسته کې هرې کورنۍ ته ۳۰،۰۰۰ افغانۍ ورکول کېږي.
