د افغاني سرې میاشتې له لوري خوست ولایت کې 400 زلزله ځپلو کورنیو ته مرسته ووېشل شوه!
نن سه شنبه د روان 1444 سپوږمیز کال د ربیع الأول په لومړی نيټه د افغاني سرې میاشتې له لورې د خوست ولايت سپیری ولسوالۍ په بیلابېلو کلیو کې زلزله ځپلو کورنیو ته د خوراکي توکو مرسته چې د ترکيي هیواد له لورې چمتو شوی وه، ووېشل شوه.
د مرستې په دې ګېډۍ کی هرې کورنۍ ته, 10 کیلو وریجې, 5 ليټره غوړي، 5 کیلو لوبیا, نیم کیلو چای, 2 کيلو بوره، 2 کیلو مکروني, 1 قطی روب او 3 پاکټه بسکویت شامل وو. د ژمي په درشل کې زلزله ځپلي لا نورو عاجلو مرستو ته اړتیا لري چې د خیرپالو هیوادوالو او نړیواله بشرپاله ټولنو په مټ به يي لاسنیوي ته دوام ورکوو.
