د افغاني سرې میاشتې سرپرست عمومي رییس مولوي مطیع الحق خالص کندهار کې د مرستون لیدنه وکړه!
نن د جمعې په ورځ د روان کال ۱۴۰۱ لمریز کال د وري په ۵مه د افغاني سرې میاشتې سرپرست عمومي رییس ښاغلي مولوي مطیع الحق خالص په کندهار ولایت کې د افغاني سرې میاشتې له مرستونه لیدنه وکړه او د لیدنې پر مهال یې د مرستون ټولو کارکوونکو ته لازمې لارښوونې وکړې. نوموړي په مرستون کې له مېشتو بېوزله کورنیو سره هم ولیدل.
د افغاني سرې میاشتې سرپرست عمومي رییس په مرستون کې مېشتو بېوزلو کورنیو ته په خپلو خبرو کې وویل، چې دی به په مرستونونو کې د مېشتو بېوزلو هېوادوالو خدمت ته دوام ورکوي او په راتلونکي کې به نورې اسانتیاوي هم ورته چمتو کوي.
