د افغاني سرې میاشتې سرپرست رییس د IHH له رییس سره وکتل!
د شنبې په ورځ د روان ۱۴۰۱ لمریزکال د وري میاشتې پر ۲۷ مه چې د ۱۴۴۳ کال د روژې مبارکې میاشتې له ۱۵ مې نېټې سره سمون لري د افغاني سرې میاشتې ټولنې سرپرست عمومي رییس ښاغلي مولوي مطیع الحق خالص د IHH له رییس ښاغلي عبدالله التای سره لیدنه ترسره کړه.
په دې لیدنه کې د بدن د مصنوعي غړو او روغتیا په اړه خبرې وشوې.
همدارنګه د IHH مؤسسې رییس ژمنه وکړه، چې غواړو په لومړي قدم کې افغاني سرې میاشتې ته د ۱۵۰۰ ټُنه او ورپسې په دوهم قدم کې د ۵۰۰ ټُنه اوړو مرسته وسپارو.
همدارنګه ښاغلي عبدالله التای ژمنه وکړه، چې کابل ته یو تخنیکي ټیم لېږو ترڅو د اړمنو او بېوزله وکړو ستونزې له نیږدې وڅاري او په هواري کې یې ورسره مرسته وکړي.
په پای کې د افغاني سرې میاشتې او IHH مؤسسې ترمینځ یو تفاهم لیک لاسلیک شو، چې ورسره به له دې وروسته د IHH مؤ سسې کړنې او فعالیتونه له افغاني سرې میاشتې سره په پوره همغږۍ ترسره کېږي.
د یادونې وړ ده، چې IHH د ترکیې یو غیر دولتي سازمان دی، چې له ۱۹۹۲ زیږدیزکال راپدیخوا تاسیس شوی او د نړۍ په شاوخوا ۱۰۰ هېوادونو کې فعالیت ترسره کوي
